Wéi ee Geschier ass dëst? Geléist!

Hei och nach d'Äntwert vum Rom Bohr. Villmools Merci!

daat uewen ass eng handgedriwen Buermaschin, daat an der Mëtt en Rouerschrauwestack wei en haut nach gebraucht get, ennen  am Setzen get mat Sauerstoff a Gas geschweest, zu där  Zäit meiglecherweis nach mat engem Athzetylen Erzeuger wou Karbit + Wasser den Athzetylen erzeugt huet.

N'owend,
op der éischter Foto, kéint dat net eng Buermaschinn sinn. Mat dem grousse Rad géiw dann d'Héicht vum Buerer zum ze buerene Stéck, hei ee Rouer, graw agestallt ginn a mat enger Kuerbel déi duerch den Arbechter hei mat senger rietser Säit verstopt get, géiw dann Buerer zum dréie bruecht ginn. Op der 3. Foto gesäit een esou ee Rouer mat Lächer drann. Op der 2. Foto dat mist ee "Rohrschraubstock (Peddinghous)" sinn.

N'owend,

op der éischter Foto géing ech soen wier eng Spëndelpress. Mat deem Handrad kann een déi Press op-an zoudréien fir z.B. Lageren oder Bëchsen anzepressen. Op der 2 Foto ass en Trépied ze gesin, wéi d'Installateuren se huelen fir Réier anzespannen fir se z.B, oofzeschneiden oder Gewënner dran ze schneiden. Déi 3 Foto weist eng Persoun déi mam Autogenschweessapparat schafft. Op der éischter Foto geseit een och am Hannergrond eng vun den dozougehéirenden Gasfläschen mam Manometer.
 

 

Sinn dës Apparater fir Réier ze béien?

Dëst misst an den 1920/30er Joeren beim Schlesser Félix Winandy zu Péiteng sinn.

Villmools Merci am Viraus fir all Tuyau!

Alles Gutts,

Jean-Marie - info@industrie.lu