Brusselhof 1848 (Strooss Saeul op Wiltz)

Op der Karte vun 1927 ass déi Barrière och nach drop:  map.geoportail.lu/theme/main?lang=en&ver...obal&crosshair=false

Op der Carte vum Jean-Baptiste Liesch vun 1860 ass mol tëschend  Heischent (Heiderscheid)  an  Heischtergronn  (Heiderscheidergrund) eng "Barrière" agedroen - dat kinnt déi vum "Brusselhof" sinn...

Dat ass een interessanten Tableau! Villmools merci!

Elo misst e kucken ob d'Entretienskäschten (1879) pro km ëmmer +/- d'selwecht waren, well da misst Distanz vu Kéiber op de Brusselhaff 4 x esou wäit sinn, ewéi déi vun Mëchelbuch op Biissen, wahrscheinlech Richtung Woltz ...

Dat war wuel bei Kuborn (Kéiber). 
Mémorial A n° 69/1879 S.820: subside vun 200 frs fir den entretien vum Wee Kuborn-Brusselhof. 

Gudde Moien,
am Joer 1848 goufen déi sougenannten "Chausseegelder" (Péagen, Barrièren) am Land versteigert an opgehuewen. Déi nei Strooss vu Saeul op Wiltz, déi iwwert d' Rippweiler-Barrière, Bettborn, Grousbus bis op de Brusselhof (Wiltz ?) geet, soll och dësen Haff "Brusselhof" oder Brusselshoff" touchéiert hunn.  Elo ass et mir awer onméiglech, dësen Haff op enger Kaart oder a soss enger Literatur erëmzefannen. Bestëmmt existéiert hien nit méi, oder hien huet den Numm geännert (anere Propriétär). Wann Dir eng Informatioun, Quell oder soss eng Spur hätt, géif ech mech freeën, vun Iech ze héieren.
Mat beschte GRéiss
Georges Majerus
Uselding