Piscines Tournesol au Luxembourg - Geléist!

Villmools Merci fir déi flott Fotoen vun der Fielser - Tournesol-Schwemm déi am Gang­ ass renovéiert ze ginn.

Et ass flott ze gesinn dat net Alles einfach ewechgerappt gëtt, mais dat et och nach Leit ginn déi Alem een 2. Liewen ginn - an domadder elo eppes ganz Spezielles op hirem Camping hunn! Dat kann een nëmmen ënnerstëtzen!
E schéinen Owend,

Pascale

Hei sinn nach 2 Biller vu gëschter vun der Tournesol - Piscine aus der Fiels - Larochette, en cours de rénovation: 

Hei ass nach eng schéi Foto vun der Fielser "Tournesol"- Piscine:

Larochette - Piscine Tournesol ( Carte postale: Publivano Design - Printed by Euroset (056) 354511; Collection: This email address is being protected from spambots. You need JavaScript enabled to view it.)

Villmools Merci fir all déi Infos! 

Et goufen effectif 3 "Tournesol"-Schwemmen zu Lëtzebuerg, Déi Berdrefer hunn ech nach net kannt.

E schéinen Owend, Pascale

D'Mierscher Sonneblum-Schwemm gouw erreischt 1980 (29.6.1980), no ganz langen Diskussiounen, nierwend dem Camping um Krounebierg ageweit

Moien
Dat woren/sinn dach mol schéi Schwemmen.
Déi an der Fiels (Larochette) Op "Birkelt" do war d'Aweihungsfeier den 12. Juli 1975 (LW 14.7.1975) Hei um industrie lu gesi mer dess an enger oranger Farw, dat muss em 1995 gewiescht sinn. Eng Foto am Tageblatt vum 3.12.2023 weist eis dess Schwemm an enger blo-grenger Farw.
Op den Orthophotoen (Loftopnahmen) gesi mer se 2001 orange-giel, 2004 orange-rout méi spéit rout blazeg ("rosa") 2016 bis 2023 blo-greng.
Da gouw et nach eng zu Berdorf an der rue "Beim Maartbesch".
D'Aweihung war hei den 27.9.1975 (LW 29.9.1975). Si war awer schon am August 1975 op (LW 4.8.1975). Op enger Orthophoto (Loftopnahm) aus dem Joer 2001 gesi mer se nach, 2004 war se schon ofgerappt. Hier Farw muss wäis gewiecht sinn.
Mä vilächt goufen et der nach hei am Land.
mbG
Claude

Also déi Fielser Tournesol-Piscine steet nach ëmmer do: birkelt.huopenair.com/

Gudde Moien Alleguer,

Ech hunn elo grad folgend flott Photoen vun Tournesol - Schwemmen zu Lëtzebuerg hei gesinn:

an der Fiels


zu Miersch

Gouf et nach anner Tournesol - Schwemmen hei zu Lëtzebuerg? wa jo, wou a wéi eng Farw haten se?

Ech war mol selwer an der Schwemm zu Miersch, dat war schon  speziell, wann se am Summer op war. Et huet awer och ëmmer e beschen ze zunn...

Vu wéini bis wéini waren déi Schwemmen a Betrieb?

Villmools Merci fir all Beitrag.

E schéinen Dag, Pascale